Србија ќе го брани среброто на Европското првенство 2022
Најдобрите српски кошаркари денеска со убедливата победа над Грузија со 92:66 во рамките од петтото коло од квалификациите и официјално обезбедија пласман на наредното Европското првенство во 2022 година.
Така, оваа репрезентација на наредниот континентален собир (1-18 септември 2022 година, Чешка, Грузија, Германија, Италија) ќе го брани сребрениот медал освоен пред четири години.
На ЕП ќе се најдат и Грузијците, едни од домаќините на завршницата, како и Финска која оди како третопласирана од оваа група.
Прв стрелец на денешната средба во победничките редови на Дејан Милојевиќ, беше Филипе Петрушев со 27 поени, следен од Данило Анѓушиќ (22) и Никола Ребиќ (11). На спротивната страна Шермандини се истакна со 20 поени, Санадзе запиша 15, а пет помалку Френкамп.
На едно коло до крајот на квалификациската група „Е“ води Грузија со девет бодови, пред Србија (осум), Финска (седум) и Швајцарија (шест).