Во изминатите 24 часа во Србија починаа 32 пациенти од последици на инфекција со ковид-19 со што вкупниот број на смртни случаи во земјата од почетокот на пандемијата достигна 4.966.

Според податоци на Институтот за јавно здравје на Србија, во изминатото деноноќие се направени 14.474 тестови, а позитивен наод е потврден кај 4.769, пренесува агенцијата Бета.

Најголем дел (1.309) се евидентирани во Белград пред Ниш со 359 и Нови Сад со 243 нови случаи. Над 100 заболени се заведени и во Крагуевац (118), Краљево (150), Панчево (100), јавува агенцијата Танјуг.

На болничко лекување во моментот се 5.899 лица или 368 повеќе од вчера, а 236 од нив се приклучени на респиратори. Смртноста од коронавирусот во Србија моментно е 0,89 отсто.

Од почетокот на пандермијата, во Србија се тестирани 3.277.390 милиони граѓани од кои 555.897 биле позитивни на вирусот.