Србија и донира 5.000 вакцини против ковид-19 на БиХ
Претседателот на Србија, Александар Вучиќ денеска во Сараево и донира на Босна и Херцеговина 5.000 вакцини против ковид-19 на „АстраЗенека“.
На сараевскиот аеродром Вучиќ беше пречекан од претседавачот на Претседателството на БиХ, Милорад Додик и од бошњачкиот член на Претседателството, Шефик Џаферовиќ.
Иако беше најавено дека Вучиќ ќе биде пречекан од тројцата членови на Претседателството на БиХ, не присуствуваше хрватскиот член Жељко Комшиќ.
Српскиот претседател најави дека во следните неколку дена во БиХ ќе пристигнат уште 5.000 дози вакцина.
БиХ е трета земја во регинот на која Србија и донира вакцини, по Северна Македонија и Црна Гора.