Србија го има најдобриот голман во Европа (ФОТО+ВИДЕО)
Рајковиќ има фантастичен старт во новата натпреварувачка сезона во дресот на Ремс и заслужено моментно го има епитетот најдобар голман во Европа.
Српскиот голман е неприкосновен во Топ 5 европските лиги, оставајќи зад себе позвучни имиња како Јан Облак, Самир Хандановиќ…
Predrag Rajković has the most clean sheets in Europe’s top 5 leagues at the moment. https://t.co/kMFPs6Uieb
— Zach Lowy (@ZachLowy) October 27, 2019
Оваа сезона досега не примил ниту еден погодок на дури осум натпревари во француското првенство.
Рајковиќ блеска во „Лига 1“, а неговиот тим е најпријатното изненадување на шампионатот. Моментно Ремс е на четвртото место на табелата со 18 бодови, девет постигнати и само четири примени погодоци.
Поранешниот капитен на Црвена Звезда ја вадеше топката од мрежата на дуелите против Дижон (двапати), Брест и Нант. Но, затоа ниту еднаш не се затресе неговата мрежа против Марсејл, Стразбур, Лил, Монако, ПСЖ, Рен, Монпелје и Ним на нашиот Влатко Стојановски.
– НАЈДОБРИ ГОЛМАНИ ВО ТОП 5 ЕВРОПСКИТЕ ЛИГИ –
1.Предраг Рајковиќ (Ремс, Франција) 8 натпревари на кои не била затресена мрежата
2.Јан Облак (Атлетико Мадрид, Шпанија) 7
3.Албан Лафонт (Нант, Франција) 6
4.Руи Силва (Гранада, Шпанија) 6
5.Самир Хандаовиќ (Интер, Италија) 4
—