Србија е воено неутрална, но не и политички во однос на Украина, вели српската министерка за евроинтеграции

Фото МИА

Србија не е неутрална во однос на војната во Украина, точно е да е воено неутрална, но не и политички, изјави министерката за евроинтеграции Тања Мишчевиќ и додаде дека Србија „постојано изразува поддршка за територијалниот интегритет на Украина“.

– Гласањето во Генералното собрание по повод годишнината од почетокот на војната е уште еден таков показател, а вчерашното испраќање на опрема за обновување на електроенергетскиот систем е апсолутна поддршка за граѓаните. Ние секогаш го објаснуваме тоа со фактот што знаеме што значи разурнат електроенергетски систем, бидејќи ние како граѓани го преживеавме тоа, иако не на минус 20 како во Украина и нашата емпатија затоа е поголема, рече Мишчевиќ.

На седницата на Комисијата на Парламентот на Србија за евроинтеграции, на која таа го презентираше Извештајот за преговорите за пристапување на Србија во Европска Унија за време на претседавањето со Чешка, во периодот од јули до декември 2022 година, кој беше прифатен од тоа собраниско тело, Мишчевиќ рече дека Србија е единствената земја од регионот што ја испратила таа опрема, иако целиот регион ја поседува.

– Континуирано следиме, во контакт сме и со Амбасадата на Украина и преку механизмот за цивилна заштита на ЕУ. кои се сите хуманитарни потреби од ваков вид, рече Мишчевиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот