Србија доби предупредување од ЕУ
Брисел го предупреди Белград, дека доколку сака да биде дел од ЕУ, тогаш не смее да биде дел од руската Евроазиска унија, пренесе „Euronews“.
Утрово портпарол на Европската Комисија за „Euronews“ изјави дека дека Србија ќе мора да се повлече од сите други билатерални спогодби за слободна трговија доколку сака да влезе во ЕУ.
Властите во Белград најавија дека планираат да и се придружат на Евроазиската Унија во текот на октомври.
Евроазиската Унија ја сочинуваат Русија и други земји од поранешниот советски блок како Ерменија, Киргистан и Белорусија.
Доколку стане членка на ЕУ, Србија ќе мора да се усогласи и со европската политика на санкции кон Москва која предвидува и трговски рестриктивни мерки.
Србија ги започна преговорите за членство во ЕУ во 2014-та година.