Србија денеска со рекорден број жртви, Косово ја надмина бројката на илјада починати

epa08780885 Medical workers wearing Personal Protective Equipment (PPE) walk to attend to patients at the Belgrade Arena makeshift Covid-19 hospital in Belgrade, Serbia, 28 October 2020. Serbia is witnessing a rise in coronavirus infections prompting the government to consider new restrictions. EPA-EFE/MARKO DJOKOVIC

Во Србија во последните 24 часа се потврдени 6.179 нови случаи на заразени со коронавирус од вкупно 15.508 тестирани, а во истиот период од Ковид -19 умреле 65 лица.

Во моментов, во болниците се сместени 7.256 пациенти, а 252 од нив се на апарати за дишење.

До денеска во земјата се регистрирани вкупно 169.214 случаи на Ковид 19, а од почетокот на пандемијата умреле вкупно 1.549 лица, соопштено е на владината веб-страницата covid19.rs

Во Косово во минатите 24 часа се регистрирани 16 умрени и 626 новозаболени од Ковид-19, а во истиот период како излекувани се евидентирани 673 пациенти, јави дописникот на МИА од Приштина.

Според последниот извештај на Националниот институт за јавно здравство на Косово, вклучително последните случаи, вкупната бројка на жртви на пандемијата во земјата надмина илјада, односно достигна 1.005.

Вкупно од појавата на вирусот, досега се евидентирани 39.057 заразени од новиот коронавирус, додека болеста ја совладале 24.427 лица.

Активни во моментов, според официјалните податоци, се 13.625 случаи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот