Të gjitha macet lindin me sy blu, dhe tashmë nga java e shtatë deri në dymbëdhjetë e zhvillimit të tyre, ato marrin ngjyrën përfundimtare të syve.

Por ajo që është magjepsëse është se sytë e tyre mund të jenë me ngjyra të ndryshme. Ky fenomen njihet me termin heterokromi, dhe përveç maceve, shfaqet edhe te kafshët e tjera dhe te njerëzit.

Macet që kanë heterokromi zakonisht kanë lesh të bardhë ose gëzojnë me një model të bardhë. E kur flasim për sytë e tyre, kombinimet janë të pafundme, nga nuancat e kafesë, tek jeshilja dhe bluja.

Tek macet, ngjyra e syve përcaktohet nga pigmenti melaninë, ashtu si te njerëzit. Gjatë periudhës së zhvillimit të maceve, pigmenti aktivizohet në sy dhe në këtë mënyrë përcakton ngjyrën e tyre.

Përjashtim është kur pigmenti nuk do të depërtojë në njërin sy, duke krijuar kombinime fantastike ngjyrash.