Çmimet e arit dhe kafesë po thyejnë rekorde dhe çmimi i litiumit po bie. Sipas të dhënave të FMN-së, çmimet e produkteve primare në muajin gusht janë ulur për 2,3 për qind krahasuar me korrikun e vitit 2024, shkruan portali internet Makroekonomija.org.

Në të njëjtën kohë, lëndët e para në gusht ishin 0,9 për qind më të shtrenjta se në gusht 2023. Krahasuar me nivelin rekord të çmimeve, ato janë 32,8 për qind më të ulëta. Në gusht, çmimet globale të produkteve bujqësore u ulën me 2,1 për qind krahasuar me një muaj më parë, por në krahasim me të njëjtin muaj të vitit të kaluar ishin më të larta për 1,9 për qind.

Metalet janë bërë më të shtrenjta që nga gushti 2023 me 12,3 për qind, ndërsa energjia është bërë më e lirë me pesë për qind. Nëse krahasojmë çmimet e gushtit me një nivel rekord, produktet bujqësore janë bërë më të lira me 18 për qind, metalet me 6,3 për qind dhe energjia me 52,5 për qind.

Ashtu si në muajt e mëparshëm, në gusht u arritën çmime të reja rekord për kafe dhe arin. Një ons e imët ari në bursën e Londrës arriti në 2.468 dollarë. Në nivel vjetor kjo është një rritje e çmimit të arit me 28 për qind dhe të kafesë me 72 për qind.

Është interesante se çmimi i litiumit ka vazhduar të bjerë. Litiumi u bë më i lirë me 6,1 për qind krahasuar me korrikun 2024, madje me 56,8 për qind në krahasim me gushtin 2023.