Zlatan ka vendosur se do të qëndrojë në Milan edhe sezonin e ardhshëm

Zlatan Ibrahimovic / foto: EPA-EFE / SERENA CAMPANINI

Sulmuesi i Milanit, Zlatan Ibrahimovic do të nënshkruajë kontratë të re me skuadrën italiane, raporton Sky italian.

Sky shkruan se Ibrahimovic do të nënshkruajë kontratën e re në ditët në vijim, dhe paga e sulmuesit do të jetë 1,5 milionë euro plus bonuse.


Kjo është një ulje e ndjeshme e pagës, pasi me kontratën e mëparshme Zlatan fitonte rreth shtatë milionë euro në vit.

Ibrahimovic u kthye te Milani në vitin 2020 dhe fitoi titullin sezonin e kaluar me kuqezinjtë. Në fund të muajit maj ai ka bërë një operacion në gju, prandaj rikthimi i tij në fushë pritet të jetë kah fundi i vitit.

Në karrierën e tij, Zlatan Ibrahimovic ka luajtur edhe për Malmo, Ajax, Juventus, Inter Milan, Barcelona, ​​PSG, Manchester United dhe Los Angeles Galaxy.

Video e ditës