Banorët e rinj të Kopshtit Zoologjik, të cilët mbërritën në Shkup në muajin nëntor, këto ditë po i përshtaten ambientit të jashtëm. Bëhet fjalë për tetë kapuçina me gjoks të verdhë, të cilat janë dhuruar nga ZOO Alveterzoo Münster në Gjermani.

 Të gjithë janë nga 2 deri në 8 vjeç dhe janë vendosur në një habitat të përdorur më parë nga majmunët mangabe. Habitati është bërë sipas standardeve botërore sipas kushteve dhe rekomandimeve të EAZA dhe kopshtit zoologjik nga ku kanë mbërritur. Ky lloj majmuni vjen nga Amerika e Jugut, më së shumti gjendet në Brazilin lindor dhe është një nga speciet më të rrezikuara – bëjnë të ditur kopshti zoologjik.

Nga aty sqarojnë se kapuçinët me fytyrë të verdhë janë majmunë shumë tërheqës dhe interesant për vizitorët, ndaj shpresojnë që mysafirët e kopshtit zoologjik të Shkupit t'i shijojnë dhe të argëtohen me ta.