Ministrat e jashtëm të vendeve të G7 dënuan "me termat më të fortë" dërgimin e raketave balistike iraniane në Rusi.

Irani duhet të përfundojë menjëherë dhe plotësisht mbështetjen e tij për luftën e paligjshme dhe të pajustifikuar të Rusisë kundër Ukrainës dhe të ndalojë transferime të tilla të raketave balistike, dronëve dhe teknologjive të ngjashme, sipas një deklarate të përbashkët nga ministrat e jashtëm të Kanadasë, Francës, Gjermanisë dhe Italisë. Japonia, Britania e Madhe dhe Shtetet e Bashkuara.

Sipas G7, armët me të cilat Teherani furnizon Moskën "paraqesin një kërcënim të drejtpërdrejtë për popullin ukrainas, si dhe për sigurinë evropiane dhe ndërkombëtare".

Në fillim të kësaj jave, Sekretari amerikan i Shtetit, Anthony Blinken tha se Rusia kishte marrë raketa balistike nga Irani dhe kishte gjasa t'i përdorte ato brenda javësh, dhe SHBA, Gjermania, Britania dhe Franca vendosën sanksione të reja ndaj Teheranit.

Moska dhe Teherani kanë hedhur poshtë akuzat e aleatëve perëndimorë.