Presidenti ukrainas Volodymyr Zelensky vendosi sot sanksione për 51 individë dhe 220 kompani të lidhura me sektorët e transportit, komunikimit dhe industrisë në Rusi dhe Bjellorusi.

Dekreti është publikuar në faqen zyrtare të presidentit ukrainas.

Ndër kompanitë në listën e re të sanksioneve të Ukrainës janë Mobile Telesystems (MTS), Volga-Dnepr Leasing, Russian Railways-Logistics, RZDstroy, Uzina Eksperimentale Metalurgjike Solikamsk, Instituti Shtetëror i Kërkimeve për Produktet Kimike dhe Uzina e Automobilave në Minsk.

Masat kufizuese përfshijnë ndalimin e hyrjes në territorin e Ukrainës, dhënien e vizave të Ukrainës, vizitat zyrtare dhe ndalimin e përmbushjes së detyrimeve ekonomike dhe financiare ndaj të sanksionuarve.

Në prill, Zelensky sanksionoi 438 individë dhe 254 kompani nga Rusia dhe Bjellorusia.