Presidenti ukrainas Volodymyr Zelensky tha se lidershipi rus do të bjerë pas humbjes së Kremlinit në luftën kundër Ukrainës.

"Kiev dhe të gjitha qytetet tona, e gjithë Ukraina, do t'i japin fund historisë së despotizmit të Moskës, e cila ka skllavëruar shumë popuj për një kohë shumë të gjatë", tha Zelensky në fjalimin e tij të përditshëm me video.

Me këtë rast ai nuk iu drejtua publikut si zakonisht nga zyra e tij, por në rrugën para zyrës presidenciale në Kiev.

"Mbrojtja ajrore e Ukrainës arriti të zmbrapsë pothuajse plotësisht një nga sulmet më të mëdha me dronë rusë që nga fillimi i luftës," tha Zelensky, duke shtuar se "Moska u përpoq t'i prishte ditën Kievit".

"Kiev u ka mbijetuar krimeve gjatë gjithë historisë së tij, dhe gjithashtu do t'i mbijetojë sulmeve ruse dhe nuk do t'i lejojë rusët ta pushtojnë atë," shtoi Zelensky.

Ai shtoi se "armët si dronët Shahed të përdorur në sulm nuk mund të shpëtojnë sundimtarët e Rusisë" dhe se "Rusia do ta humbasë luftën sepse përçmon jetën dhe kulturën".