Presidenti ukrainas Volodymyr Zelensky njoftoi sot se javën e ardhshme do të prezantojë një plan të ri të përbërë nga 10 pika.

“Ne vazhdojmë të punojmë në planin tonë të brendshëm, në gjithçka që është e nevojshme për të siguruar që Ukraina të jetë e fortë. Sot kemi mbuluar disa pika, duke përfshirë sovranitetin kulturor, që përfshin trashëgiminë kulturore të Ukrainës, kulturën bashkëkohore dhe diplomacinë kulturore”, tha Zelensky, transmeton Ukrinform.

Ai ka theksuar se është përpunuar edhe pjesa e planit që ka të bëjë me sigurinë.

Ministria e Punëve të Brendshme dhe Shërbimi i Sigurisë kanë zhvilluar disa zgjidhje të mira dhe ne patjetër do t'i zbatojmë ato, tha Zelenski.

Ai shtoi se në detaje janë diskutuar edhe pikat që kanë të bëjnë me energjinë dhe armët, përkatësisht prodhimin e tyre në bashkëpunim me partnerët.

"Në total janë dhjetë pika që do të prezantohen javën e ardhshme dhe për secilën pikë, së bashku me shoqërinë civile dhe të gjithë ata që janë të gatshëm të kontribuojnë me ide racionale, ne do të përgatisim një dokument themelor, doktrinor për Ukrainën, për qëndrueshmërinë tonë." tha Zelensky.

Ai vuri në dukje se një nga elementët kryesorë të planit të brendshëm për të forcuar Ukrainën është komponenti i saj ekonomik.