Presidenti i Ukrainës Volodimir Zelenski tha se kishte një takim kushtuar situatës së sigurisë dhe humanitare në rajonin Kursk të Rusisë, ku ushtria ukrainase po kryen një ofensivë të paprecedentë ndërkufitare.

“Siguria, ndihma humanitare, krijimi i një administrate ushtarake nëse është e nevojshme”, shkroi Zelensky në Telegram, duke postuar një video të një takimi me zyrtarë të lartë nga Kievi.

Ndërkohë, zëvendëskryeministrja ukrainase Iryna Vereshchuk njoftoi se Kievi planifikon të hapë korridore për evakuimin e civilëve nga rajoni i Kurskut të Rusisë në Ukrainë dhe anasjelltas. Ajo shtoi se do të organizohen misione humanitare për të mbështetur popullatën vendase dhe organizatave ndërkombëtare humanitare do t'u sigurohet qasje në zonë.

Vereshchuk deklaroi gjithashtu se Ukraina po krijon një "zonë sigurie" në Kursk për të realizuar këto synime.