Zelensky i bëri thirrje Perëndimit: Ndaloni hyrjen e rusëve për një vit
Presidenti i Ukrainës Volodimir Zelenski u bëri thirrje vendeve perëndimore që të ndalojnë të gjithë rusët të hyjnë për një vit për të parandaluar Rusinë të aneksojë më shumë territor ukrainas.
Në një intervistë për The Washington Post, Zelensky tha se sanksionet më të rëndësishme janë mbyllja e kufijve sepse "rusët po marrin tokën e njerëzve të tjerë". Ai shtoi se "rusët duhet të jetojnë në botën e tyre derisa të ndryshojnë filozofinë e tyre".
Zelensky beson se kjo masë duhet të zbatohet edhe për qytetarët rusë që janë larguar nga vendi.
Sipas mendimit të tij, përgjegjësia për sulmin ndaj Ukrainës i takon "e gjithë popullatës së Rusisë".
Moska ka njoftuar se një referendum për bashkimin me Rusinë do të mbahet më 11 shtator në pjesë të rajoneve Kherson dhe Zaporozhye në Ukrainën lindore dhe jugore, së bashku me zgjedhjet rajonale të planifikuara tashmë.
Zelensky paralajmëroi të dielën se nëse Moska vazhdon të mbajë referendume për bashkimin me Rusinë në territoret nën kontrollin e saj, negociatat me Ukrainën ose aleatët e saj ndërkombëtarë nuk do të jenë të mundshme.