Zelenska nga Londra: Mos harroni tragjedinë e Ukrainës gjatë pushimeve

Олена Зеленска / Foto Presidenca e Ukrainës / Presidenca e Ukrainës / Zuma Press / Profimedia

Njerëzit nuk duhet ta harrojnë luftën në Ukrainë këtë Krishtlindje, tha Olena Zelenska në Londër, para fjalimit të saj në Parlamentin britanik.

Zonja e Parë e Ukrainës i ka kërkuar publikut britanik gjatë festave të fundvitit që të mos harrojnë “tragjedinë” e shkaktuar nga pushtimi rus.

Ajo tha se ukrainasit "ndiejnë mbështetjen e fortë" si dhe ndihmën politike, financiare dhe humanitare që marrin nga britanikët.

Ukrainasit janë shumë të lodhur nga kjo luftë, por ne nuk kemi zgjidhje. Ne po luftojmë për jetën tonë. Publiku britanik ka një zgjedhje. Ata mund të mësohen me tragjedinë tonë, të përqendrohen në gjërat e tyre të rëndësishme në jetë. Mesazhi im për britanikët është ky: nuk është vetëm një luftë për lirinë dhe jetën tonë. Kjo është një luftë e botëkuptimeve të kundërta, një luftë vlerash. Është e rëndësishme t'i ruani ato. Kjo është një luftë për të vërtetën dhe vlerat njerëzore, tha Zelenska.

Zonja e Parë e Ukrainës vizitoi dje 10 Downing Street dhe u takua me Akshata Murthy, bashkëshorten e kryeministrit britanik.

Video e ditës