Presidenti kroat Zoran Milanovic tha dje në Zadar se në Ukrainë ka një luftë mes Amerikës dhe Rusisë.

“Ka një luftë mes Amerikës dhe Rusisë. Midis Rusisë dhe Ukrainës, unë jam me Ukrainën, natyrisht. Por është një luftë mes Amerikës dhe Rusisë”, tha presidenti kroat në një deklaratë për gazetarët në Zadar, ku ishte me rastin e Ditës së Qytetit të Zadarit.

Ai theksoi edhe një herë se “lufta në Ukrainë po udhëhiqet nga amerikanët dhe rusët”.

“Duhet të themi se amerikanët po bëjnë luftë kundër Rusisë përmes rinisë ukrainase, këtë duhet ta themi”, përfundoi ai.

Zëdhënësi i Kremlinit, Dimitrij Peskov, ka thënë praktikisht të njëjtën gjë dy ditë më parë, thanë mediat kroate.Indeks".

Duke iu përgjigjur një pyetjeje për paralele të mundshme midis situatës aktuale dhe krizës kubane të vitit 1962, Peskov tha se "krizat janë të ndryshme, megjithëse në të dyja rastet është një konflikt midis Rusisë dhe Perëndimit kolektiv nën udhëheqjen e Shteteve të Bashkuara".

Peskov e bëri deklaratën me rastin e takimit të presidentit rus Vladimir Putin dhe atij kuban Miguel Diaz-Canel, të cilët zbuluan në Moskë një monument për revolucionarin dhe liderin kuban Fidel Castro. Ata premtuan të thellojnë miqësinë dhe marrëdhëniet mes dy vendeve, që të dyja janë nën sanksionet e SHBA.