Kanë përfunduar negociatat në Vjenë për rinovimin e marrëveshjes bërthamore me Iranin. Diplomatët nga vendet e përfshira u larguan me një tekst tentativë për një marrëveshje të re që shpresohet të parandalojë Teheranin nga zhvillimi i armëve bërthamore, raportoi DPA.

Duhet thënë po ose jo, tha një përfaqësues i lartë i paidentifikuar i Bashkimit Evropian në Vjenë, duke shtuar se nuk ka mbetur asgjë për të negociuar dhe duke e përshkruar tekstin si "një kompromis shumë të mirë për të gjitha palët".

Sipas diplomatit, vendet e përfshira – Britania e Madhe, Kina, Franca, Gjermania, Rusia, Shtetet e Bashkuara – pritet të përgjigjen brenda disa javësh.

Vendet kërkuan një zgjidhje për të kapërcyer mosmarrëveshjet në lidhje me heqjen e sanksioneve kundër Iranit, në këmbim të rivendosjes së kufizimeve në programin bërthamor të vendit.

Në vitin 2015, Shtetet e Bashkuara, Franca, Gjermania, Britania e Madhe, Rusia dhe Kina arritën një marrëveshje me Iranin, në të cilën Teherani ra dakord të kufizonte pasurimin e uraniumit nën mbikëqyrjen e inspektorëve të OKB-së në këmbim të heqjes së sanksioneve ekonomike. Por tre vjet më vonë. Ish-presidenti i SHBA Donald Trump tërhoqi në mënyrë të njëanshme SHBA-në nga Marrëveshja dhe Irani filloi të përdorte centrifuga të avancuara dhe rriti me shpejtësi rezervat e tij të uraniumit të pasuruar, në kundërshtim me Marrëveshjen.

Teherani zyrtar pretendon se energjia bërthamore është për qëllime paqësore