Në seancë organi më i lartë partiak i BDI-së, analizohet takimi i zhvilluar të mërkurën mes Kovaçevskit dhe Mickoskit.
Pas takimit të kryetarët e dy partive më të mëdha VMRO-DPMNE dhe LSDM BDI-ja sot pasdite ka vendosur që në selinë në Mala Reçicë të mbledhë organin më të lartë partiak, Kryesinë Qendrore.
Para se të fillonte seanca e sotme, zëdhënësi i partisë Bujar Osmani, theksoi se takimi ishte caktuar për shkak të zhvillimeve të reja politike dhe do të diskutohet, përkatësisht do të analizohet takimi që u zhvillua të mërkurën ndërmjet liderëve të LSDM-së dhe VMRO-DPMNE-së, Dimitar Kovaçevski dhe Hristijan Mickoski.
“Takimi është për shkak të zhvillimeve të fundit, pas takimit të kryetarëve të VMRO-së dhe LSDM-së, kredive të BDI-së, kërkesave të VMRO-së për qeverisje njëetnike. Fillimisht do të flasim, pastaj do të përgjigjemi. Rruga drejt BE-së, e ardhmja evropiane e qytetarëve është e rëndësishme për ne, mendoj se do të kemi të dhëna më të sakta pas takimit, tha Osmani, zëdhënësi i BDI-së.
