Ka nisur gjyqi për futbollistin e Cityt të akuzuar për 10 përdhunime

Benjamin Mendy mbërrin në Chester Crown Court/foto: EPA-EFE/Paul Currie

Futbollisti i Manchester Cityt, Benjamin Mendy, doli sot në Gjykatën e Chester Crown ku filloi gjyqi i tij ku akuzohet për 10 vepra seksuale.

Mbrojtësi i majtë i “Qytetarëve” akuzohet për tetë përdhunime, një tentativë përdhunimi dhe një sulm seksual dhe të gjitha incidentet e supozuara kanë ndodhur në shtëpinë e tij në Mançester nga tetori 2018 deri në gusht 2021.

Mandy-t i është konfiskuar pasaporta dhe ai është vendosur në arrest shtëpiak dhe tani është në pritje të gjykimit në Chester Crown Court.

Benjamin Mendy është deklaruar i pafajshëm për të gjitha akuzat.

Ndeshjen e fundit për Manchester Cityn e ka luajtur gati një vit më parë, kur “qytetarët” u mposhtën nga Tottenham në Premier League me 1:0.

Manchester City e solli Mendy nga Monaco në vitin 2017 për 57,5 milionë euro në atë që atëherë ishte transferimi më i madh për një mbrojtës.

Video e ditës