Kapen 4,5 ton kokainë në Ishujt Kanarie
Policia spanjolle tha sot se sekuestroi 4,5 ton kokainë në brigjet e Ishujve Kanarie në një anije mallrash togoeze që kishte mbërritur nga Amerika Latine.
Policia tha se kishte monitoruar nga afër Orion Five, i cili transporton mallra nga Amerika Latine në vendet e Lindjes së Mesme, për më shumë se dy vjet dhe tashmë ishte kontrolluar, por asnjë drogë nuk u gjet pavarësisht pranisë së "gjurmëve të mjaftueshme".
Pajisja e “aviacionit detar” më në fund bëri të mundur gjetjen e kokainës, të fshehur në një kapanon që supozohej të përdorej për ushqimin e kafshëve, të martën. Në operacion morën pjesë edhe Agjencia Amerikane e Zbatimit të Drogës DEA, Qendra Ndërkombëtare e Operacioneve për Analizën e Inteligjencës Detare të Narkotikëve (MAOC-N), autoritetet togoeze dhe policia spanjolle.
28 anëtarë të ekuipazhit të anijes me flamur togolez, të nëntë kombësive të ndryshme, u arrestuan.