Nënkryetarit të Partisë Demokratike të Socialistëve (DPS) të Malit të Zi, Ivan Vukoviq, i cili u ndalua sot në Beograd dhe më pas u lirua, i është ndaluar hyrja në Serbi për një vit, raportojnë mediat e Podgoricës. Vukoviqit, deputetit të DPS-së në Parlamentin e Malit të Zi, iu ndalua hyrja në Serbi me arsyetimin se ai përbën kërcënim për sigurinë. I njëjti arsyetim u përdor edhe dje, kur autoritetet serbe ndaluan hyrjen e disa gazetarëve kroatë në vend.

Sipas mediave malazeze, të cilat raportuan gjerësisht për protestën e sotme në Beograd, Vukoviç u ndalua nga anëtarët e Agjencisë për Informim të Sigurisë (BIA) teksa po dilte nga hoteli Hilton i Beogradit.