Siç sugjeron edhe emri, sëmundja e mëlçisë dhjamore shkaktohet nga yndyra e tepërt në mëlçi, transmeton Express.

E njohur edhe si sëmundja e mëlçisë yndyrore jo-alkoolike, mund të ketë pak ose aspak simptoma në fazat më të hershme. Megjithatë, ndërsa përparon, mund të shkaktojë më shumë dëmtime në mëlçi, duke rezultuar përfundimisht në disa shenja, njëra prej të cilave është veçanërisht e dukshme.

Sëmundja e avancuar e mëlçisë yndyrore mund të çojë në cirrozë dhe një nga simptomat është veçanërisht e dukshme gjatë urinimit, pohojnë mjekët. Gjegjësisht, bëhet fjalë për ngjyrën e pazakontë të urinës. Sipas klinikës Cleveland, urina kafe ose portokalli është një nga simptomat e sëmundjes së avancuar të mëlçisë yndyrore.

“Kjo ndodh kur në trup grumbullohet shumë bilirubinë, një substancë që ndodh gjatë procesit të prishjes së rruazave të vjetra të kuqe të gjakut, sepse mëlçia nuk i zbërthen ato siç duhet, pra normalisht”, shpjegojnë ekspertët.

Simptomat e zakonshme të mëlçisë yndyrore në fazat e hershme përfshijnë humbjen e oreksit, ndjenjën e dobësisë ose të lodhjes, të përzierat, temperaturën e ngritur të trupit dhe humbjen e papritur të peshës.