Zakharova: Moska mund të paguajë të gjithë BE-në për dëbimin e diplomatëve nga Bullgaria

Marija Zakharova / Foto: EPA-EFE / MAXIM SHIPENKOV

Zëdhënësja e Ministrisë së Jashtme ruse Marija Zakharova tha se Moska mund të paguajë të gjithë Bashkimin Evropian për dëbimin e 70 diplomatëve rusë.

Vendimi i politizuar i Sofjes për reduktimin e pajustifikueshëm të stafit tonë diplomatik në Bullgari sigurisht që nuk do të kalojë pa një përgjigje dypalëshe, theksoi Zakharova.

Ajo i bëri thirrje Sofjes dhe BE-së "të mendojnë për parimin e reciprocitetit që është baza e marrëdhënieve diplomatike".

“Diplomacia evropiane duhet të kuptojë se mbështetja e pamatur e veprimeve anti-ruse nga shtete të ndryshme anëtare e detyron BE-në të marrë përgjegjësinë për pasojat, përfshirë kur bëhet fjalë për masat hakmarrëse nga ana jonë”, tha Zakharova.

Shtatëdhjetë punonjës të misioneve diplomatike ruse u larguan nga Bullgaria dy ditë më parë për shkak të akuzave për spiunazh. Bashkë me ta janë larguar edhe familjet e tyre dhe numri i përgjithshëm i të larguarve nga vendi është rreth 200. Ky është numri më i madh i diplomatëve të dëbuar nga Bullgaria, anëtare e BE-së dhe NATO-s, por tradicionalisht afër Rusisë.

BE shprehu keqardhjen e saj për "kërcënimin e pajustifikuar të Rusisë për të ndërprerë marrëdhëniet diplomatike me Bullgarinë".

Një numër vendesh evropiane kanë dëbuar diplomatët rusë që nga fillimi i pushtimit rus të Ukrainës më 24 shkurt, dhe Moska është kundërpërgjigjur me masa të ngjashme.

Burimi: MIA

Video e ditës