Zaev u bën thirrje maqedonasve në Shqipëri: Votoni Edi Ramën dhe Vasil Sterjovskin në zgjedhjet e 25 prillit
Kryeministri Zoran Zaev përmes video-mesazhit u bëri thirrje maqedonasve në Republikën e Shqipërisë që në zgjedhjet parlamentare të 25 prillit të votojnë për Edi Ramën dhe kandidatin maqedonas Vasil Sterjovski.
- Republika e Shqipërisë do të mbajë zgjedhjet parlamentare më 25 prill dhe një nga kandidatët në listën e Partisë Socialiste të mikut tim të dashur Edi Rama është Vasil Sterjovski, maqedonas. Vasil ka qenë pjesë e Kuvendit të Shqipërisë për dy vitet e fundit dhe është një përfaqësues i vërtetë i interesave të maqedonasve që jetojnë në Shqipëri.
Dita kur Vasil Sterjovski u bë deputeti i parë maqedonas në Kuvendin e Shqipërisë ishte historike. 25 Prilli është gjithashtu një ditë e rëndësishme, dita kur ju si maqedonas në Republikën e Shqipërisë do të votoni Vasilin, për të vazhduar misionin e tij për të përfaqësuar maqedonasit në Kuvendin e Republikës së Shqipërisë. tha ndër të tjera Zaev.