Komisioni i përbashkët ra dakord për pesë ndryshime në tekstet shkollore në Maqedoni dhe Bullgari
Ekipi maqedonas në komisionin dypalësh për çështje historiko-arsimore me Bullgarinë mbajti konferencë ku u prezantuan vendimet e miratuara të Komisionit për nderimin e përbashkët të figurave historike si dhe rekomandimet për përmirësimin e teksteve të historisë.
- Janë rekomandime që i referohen teksteve shkollore maqedonase dhe bullgare dhe bëhet fjalë për pesë rekomandime që secila palë duhet t'i zbatojë dhe ato i referohen periudhës antike. Në të ardhmen, autorët e teksteve duhet t'i marrin parasysh këto rekomandime. Rekomandimet adresojnë mospërputhjet strukturore dhe gabimet në data dhe vendndodhje, tha Dragi Gjorgiev, bashkëkryetar i Komisionit.
Qeveria mundet, por nuk është e detyruar t'i pranojë këto rekomandime nga Komisioni i Përbashkët.
Gjithashtu, Komisioni vendosi që Car Samueli, Shën Kirili dhe Metodi, Shën Klementi dhe Shën Naumi, në disa jubile dhe data të rëndësishme, të nderohen së bashku me delegacione nga të dyja vendet, shton Gjorgiev.
Rekomandimet e kësaj pasdite janë botuar në faqen e MPJ-së së Maqedonisë.