Rekrutimi kthehet në Letoni
Shërbimi ushtarak në Letoni do të jetë sërish i detyrueshëm, njoftoi ministri i Mbrojtjes Artis Pabriks, në një kohë tensionesh me Rusinë fqinje dhe luftës në Ukrainë, raportojnë mediat në rajon.
– Sistemi aktual ushtarak i Letonisë ka arritur kufijtë e tij. Në të njëjtën kohë, ne nuk kemi arsye të besojmë se Rusia do të ndryshojë sjelljen e saj, tha Pabriks.
Rekrutimi supozohet të rikthehet në vitin 2023 dhe do të jetë vetëm për burra.
Pas anëtarësimit në NATO, Letonia hoqi dorë nga shërbimi i detyrueshëm ushtarak. Që nga viti 2007, ushtria e këtij vendi baltik, anëtar i Bashkimit Evropian, përbëhet nga ushtarë profesionistë dhe vullnetarë të Gardës Kombëtare, të cilët shërbejnë në këmbësorinë në fundjavë dhe me kohë të pjesshme.
Vendi, i cili ka një popullsi prej më pak se dy milionë dhe kufizohet me Bjellorusinë dhe Rusinë, ka 7.500 ushtarë aktivë dhe anëtarë të Gardës Kombëtare, të mbështetur nga 1.500 trupa të NATO-s.