Ruajtja e ushqimit është diçka për të cilën mendojmë gjithmonë, veçanërisht kur duam të reduktojmë shpenzimet tona të jetesës. Qumështi është një nga ato ushqime që është i sigurt pas ngrirjes, por si i tillë, duhet të përdoret brenda tre muajve.

Megjithatë, nëse e keni hapur qumështin dhe nuk planifikoni ta përdorni brenda ditëve në vijim, ekziston një metodë shumë e thjeshtë për “zgjatjen e afatit të ruajtjes”.

Nëse jeni nga ata persona që nuk përdorni shumë qumësht dhe shpesh e lini të qëndruar në frigorifer për një kohë të gjatë, provoni trukun e kripës. Mund të tingëllojë e çuditshme, por shtimi i vetëm pak kripë në qumësht mund ta ndihmojë atë të qëndrojë i freskët më gjatë pa u prishur.

Duhet të theksohet se qumështi i plotë nuk mund të ruhet më gjatë, ndërsa qumështi me pak yndyrë dhe qumështi i skremuar mund të zgjasin më shumë, deri në shtatë ditë.

Është e rëndësishme të theksohet se qumështi në përgjithësi nuk ka një datë klasike të skadencës, apo një datë deri në të cilën mund ta konsumoni produktin. Zakonisht do të gjeni frazën "më e mira përpara", që do të thotë se mund të jetë e sigurt pas asaj date.

Gjithashtu shpesh këshillohet që qumështi të ruhet gjithmonë në pjesën më të ftohtë të frigoriferit dhe asnjëherë në derë. Qumështin e papërdorur mund ta ngrini edhe në tabaka me kuba akulli dhe pas ngrirjes vendoseni në thasë ngrirëse dhe përdorni sipas nevojës.