Sezoni i ngrohjes fillon për më pak se tre javë, dhe shkupjanët po kërcënohen me goditje të re çmimesh. Anëse nuk vendoset tubacioni i ri i ngrohjes në urën e Belasicës, ngrohja do të bëhet më e shtrenjtë 60 për qind. Inxhinierët e ESM-së këto ditë do të duhet të fillojnë ndërtimin fizik, por kjo nuk do të thotë rehabilitim i urës, por vetëm një jastëk i ri dhe mbështetës për tubacionet. Ata janë gati dhe presin lejen nga autoritetet e qytetit për të përfunduar punën.
Nga Qyteti i Shkupit nuk ka përgjigje se kur do të japin dritën jeshile që të bëhet instalimi.
Kryeministri Dimitar Kovaçevski shprehet optimist se për më pak se 3 javë do të vendosen gypat e ngrohjes nën Belasicë, të cilët presin tash e gjysmë viti.

- Besoj se ka kohë për ta bërë këtë dhe kur të bëhet kjo do të lehtësojë punën e RKE-së për të përcaktuar çmimin e energjisë termike dhe do të jetë me një çmim të pranueshëm për banorët e Shkupit. Për këtë çështje janë duke punuar kolegët në ESM, tha Kovaçevski.

Tubi i nxehtësisë është i rëndësishëm sepse nxehtësia nga Te-to kalon nëpër të, e cila është disa herë më e lirë se ajo nga termocentralet.