Vujovic: Humbëm një ndeshje që e fituam
РLojtarët e Vardarit e mbyllën vitin në Ligën e Kampionëve me humbje ndaj PPD-së së Zagrebit me 23:22 dhe kjo është zeroja e shtatë radhazi për “kuqezinjtë” në kompeticionin elitar.
Vardari me humbjen zbret në vendin e shtatë në Grupin A, ndërsa PPD e Zagrebit tani është e gjashta me një pikë më shumë.
Gabimet teknike ishin sërish fatale për Vardarin, mendon trajneri Veselin Vujovi i cili në konferencën për media pas ndeshjes tha se lojtarët e tij e humbën ndeshjen e fituar.
– Humbëm një ndeshje që fituam, gabuam kur nuk gabonim dot. Urime Zagrebit për fitoren e rëndësishme në këtë ndeshje të vështirë dhe të shëmtuar. Kemi luajtur shumë keq, nuk e di pse është kështu, a është një tension i madh dhe kjo për një analizë më të thellë. Pret shtatë ditë një ndeshje e rëndësishme ndaj Europharm Pelisterit. Kam frikë se kjo humbje mund të ketë një efekt negativ te lojtarët e mi. Nuk kemi fitore në shtatë ndeshje, luajmë mirë ndaj të gjithëve, por pikët në fund ua takojnë të tjerëve. Shpresoj se në të ardhmen do të kemi lojëra më të mira dhe do të kualifikohemi në raundin tjetër, që është synimi i ekipit tonë dhe i uroj Zagrebit çdo të mirë. tha Vujovic.