Veselin Vujovic po punon mirë në stolin e kombëtares iraniane dhe me këtë përzgjedhje u kualifikua në fazën e dytë të Botërorit janarin e kaluar.

Vendosja në fazën e dytë ishte e para në historinë e kësaj kombëtareje, kështu që menjëherë pas kësaj, si shpërblim ish-strategu i Vardarit mori kontratë të re. Trajneri 62-vjeçar me eksperiencë zgjati kontratën me Federatën iraniane deri në verën e vitit 2024, pra deri në fund të ciklit Olimpik.

Tani sipas informacioneve në faqen e specializuar për hendboll "Ballkan-Handball", Vujovic do të jetë edhe trajner i kampionit iranian, Sephan. Për momentin nuk bëhet e ditur se çfarë marrëveshje ka arritur Vujovic me klubin iranian.

Përveç Maqedonisë, Vujovic ka qenë kryetrajner i kombëtareve të Serbisë dhe Sllovenisë, ndërsa në karrierën e tij klubore ka drejtuar klube në Bosnje-Hercegovinë dhe Kroaci.