Presidenti serb Aleksandar Vuçiq i bëri thirrje kryeparlamentarit Ana Brnabiq që të vendosë në rendin e ditës kërkesën e opozitës për votim mosbesimi ndaj qeverisë, por siç tha ai është e qartë se opozita “nuk do të ndryshojë Qeverinë”.

Teksa para Presidencës studentët bërtisnin “ju gjakojnë duart”, “frikacakët”, “studentët nuk heshtin”, presidenti Aleksandar Vuçiq ka bërë të ditur se do të përmbushë disa kërkesa të tyre.

Në një moment ai përmendi edhe kërkesën e fundit të opozitës që shkarkimi i Qeverisë të jetë në rendin e ditës së Kuvendit, për shkak të përgjegjësisë së saj për rënien e mbulesës së stacionit hekurudhor në Novi Sad dhe vdekjen e 15 personave të pafajshëm. . Kjo kërkesë është paraqitur nga 85 deputetë pak më pak se një muaj më parë dhe Brnabiq ka refuzuar ta fusë në rendin e ditës të parlamentit, ndaj Vuçiq i ka thënë Ana Brnabiqit që ta kthejë vendimin.

“Sa i përket shkarkimit të Qeverisë, ju kërkoj që Brnabiqin ta vendosni në agjendë dhe t’i jepni kuorum, sepse po e bëjnë për hir të reality show-t. Ata e dinë që nuk kanë shumicë, e kanë të qartë se as ju dhe as Qeveria nuk do të ndërrohen, por cirku i tyre do të zgjasë edhe pak, tha presidenti i Serbisë.