Vuçiq nënshkroi marrëveshjen për kthimin e shërbimit të detyrueshëm ushtarak në Serbi
Presidenti i Serbisë, Aleksandar Vuçiq, tha se ka nënshkruar marrëveshjen për një afat të rregullt ushtarak prej 75 ditësh.
Publikimi i këtij informacioni është pritur me duartrokitje nga zyrtarët në ceremoni, përcjell “N1”.
“Dua të besoj se Qeveria e Serbisë do ta marrë atë vendim. Dua të besoj se të gjithë e kuptoni se sa shumë na duhet një ushtri e fortë, sa më shumë do të na duhet të blejmë armë, të bëjmë, të krijojmë. Sepse nuk është dëshira jonë të sulmojmë dikë. As ne nuk do të bëjmë. Por dëshira jonë është të zmbrapsim të gjithë ata që na kërcënojnë çdo ditë”, tha Vuçiq.
Vuçiq së fundi deklaroi se shteti po shqyrton vendosjen e shërbimit ushtarak në kohëzgjatje prej 60 plus 15 ditësh, i cili do të ishte i detyrueshëm për burrat, ndërsa gratë do të mund të shërbenin ende vullnetarisht.
