Mot i ndryshueshëm i vranët dhe me reshje lokale shiu, sidomos në pjesët perëndimore dhe veriore, parashikojnë meteorologët për ditën e sotme. Do të fryjë erë mesatare nga drejtimi perëndimor në jugperëndim, e cila do të arrijë shpejtësinë mbi 70 km/h, kryesisht në zonat jugperëndimore të vendit. Temperaturat minimale do të lëvizin nga 6 deri në 13, ndërsa maksimalet do të arrijnë nga 16 deri në 24 gradë.

Në Shkup do të mbajë mot i ndryshueshëm me vranësira dhe mot me diell dhe kushte për reshje të dobëta të shkurtra në pjesë të luginës. Do të fryjë erë e lehtë deri mesatare jugperëndimore. Temperatura minimale do të zbresë deri në 11, ndërsa ajo maksimale do të arrijë deri në 20 gradë.

Moti në ditët në vijim do të jetë pjesërisht i vranët me reshje lokale të kohëpaskohshme me intensitet të ndryshueshëm. Temperaturat në periudhën e ardhshme do të mbeten më të ulëta, ndërsa në mesin e javës priten reshje më të bollshme.