Moti sot: Me diell me erë të dobët dhe temperaturë deri në 37 gradë
Moti sot do të jetë me diell dhe i ngrohtë me vranësira të vogla deri mesatare lokale dhe me erë të dobët deri mesatare nga drejtimi veriperëndimor. Temperaturat minimale do të lëvizin nga 19 deri në 20, ndërsa maksimalja do të arrijë nga 29 deri në 37 gradë. Indeksi UV do të jetë 8.
Në Shkup mot me diell dhe i ngrohtë me vranësira të vogla lokale dhe me erë të dobët deri mesatare nga veriu. Temperatura minimale do të zbresë deri në 18, ndërsa ajo maksimale do të arrijë deri në 34 gradë.
Siç njofton HMRC, nga sot do të ketë një periudhë me diell dhe të ngrohtë me rritje të temperaturave të ajrit. Më e ngrohta do të jetë ditën e enjte dhe të premte, kur temperaturat në shumicën e vendeve do të jenë mbi 35 gradë, ndërsa në zonat juglindore mbi 40 gradë.
Nga fundi i ditës të premten, gjatë natës dhe të shtunën do të jetë i paqëndrueshëm.