Moti sot do të jetë me diell me vranësira të vogla deri në mesatare. Do të fryjë erë e dobët deri mesatare, ndërsa në vendet perëndimore herë pas here erë e fortë nga drejtimi perëndimor. Temperatura minimale do të jetë në intervalin prej 1 deri në 5, ndërsa ajo maksimale do të arrijë nga 15 deri në 22 gradë.

Në Shkup me diell me vranësira të vogla deri mesatare dhe me erë të dobët nga drejtime të ndryshueshme. Temperatura minimale do të zbresë deri në 3, ndërsa ajo maksimale do të arrijë deri në 20 gradë.

Gjatë fundjavës, siç informon Administrata për Çështje Hidrometeorologjike, moti do të jetë pjesërisht i vranët me periudha me diell dhe relativisht i ngrohtë. Pasdite do të ketë reshje lokale të shkurtra shiu me bubullima të rralla.

Të shtunën do të fryjë erë mesatare deri e fortë nga drejtimi jugperëndimor.

Të hënën nën ndikimin e valës së re me lagështi dhe më të ftohtë do të ketë reshje shiu, vende-vende më të bollshme, erë e fortë dhe rënie të temperaturës. Në male dhe në disa vende më të larta reshjet do të jenë bore.