Parashikimi i motit: Me diell dhe erë, pasdite kushte për reshje të shpejta të rrëmbyeshme
Moti sot do të jetë me diell me vranësira të vogla deri në mesatare. Do të fryjë erë mesatare deri e fortë nga drejtimi verilindor. Në orët e pasdites dhe të mbrëmjes do të ketë kushte me jostabilitet lokal të shoqëruar me reshje të rrëmbyeshme shiu afatshkurtër dhe shtrëngata të rralla.
Temperatura minimale do të jetë në intervalin prej 12 deri në 21, dhe maksimale do të arrijë 30 deri në 37 gradë. Indeksi UV do të ketë një vlerë prej 8.
Në Shkup do të mbajë mot me diell me vranësira të vogla deri mesatare. Do të fryjë erë mesatare, herë pas here e fortë nga drejtimi verilindor. Pasdite në pjesë të luginës do të ketë kushte për reshje të shpejta të rrëmbyeshme dhe bubullima të rralla. Temperatura minimale do të zbresë deri në 18, ndërsa ajo maksimale do të arrijë deri në 34 gradë.
Sipas parashikimit të HMRC-së, në ditët në vijim do të mbajë mot me diell në orët e mëngjesit me vranësira të ulëta deri mesatare, ndërsa pasdite dhe në mbrëmje do të ketë zhvillim të jostabilitetit lokal të përcjellë me reshje të rrëmbyeshme shiu, bubullima dhe erë të fortë.