PARASHIKIMI I MOTIT: Mot me diell dhe më i ngrohtë, reshje shiu këtë fundjavë
Moti sot do të jetë me diell dhe i ngrohtë me vranësira të ulëta deri mesatare dhe me erë të dobët deri mesatare nga jugu.
Në Shkup do të mbajë mot me diell me vranësira të vogla deri mesatare dhe me erë mesatare jugore. Temperatura minimale do të jetë 10 dhe ajo maksimale 27 gradë.
Siç informon Autoriteti për Çështjet Hidrometeorologjike (HMA), deri të shtunën do të mbizotërojë mot i ndryshueshëm me vranësira dhe erë mesatare jugore herë pas here.
Të shtunën do të mbajë mot kryesisht i vranët dhe i paqëndrueshëm me reshje të rrëmbyeshme që do të jenë më të shumta në pjesët perëndimore. Nga e diela do të fillojë të fryjë erë veriore dhe temperaturat do të pësojnë rënie graduale.
Temperaturat minimale do të jenë nga tetë deri në 17, ndërsa ato maksimale nga 19 deri në 28 gradë.