PARASHIKIMI I MOTIT: Paradite shumë nxehtë, pasdite me stuhi me shi të rrëmbyeshëm.

Reshje të dendura shiu / Foto: Free Press / Dragan Mitreski

Moti sot në Maqedoni do të jetë me diell dhe shumë i nxehtë me vranësira të vogla deri mesatare lokale dhe me erë të lehtë deri mesatare nga drejtime të ndryshueshme. Në orët e pasdites dhe të mbrëmjes, lokalisht, sidomos në zonat perëndimore dhe veriore do të ketë zhvillim të vranësirave të paqëndrueshme, të përcjella me reshje të rrëmbyeshme, bubullima, erë të fortë dhe ka kushte për paraqitje lokale të breshërit. Temperaturat do të rriten nga 25 deri në 32 gradë.

Në Shkup dhe rrethinë do të mbajë mot me diell dhe shumë i ngrohtë me vranësira të vogla deri mesatare lokale. Pasdite dhe mbrëmje në pjesë të luginës do të ketë kushte për reshje të shpejta të rrëmbyeshme, shtrëngata dhe erë të fortë. Temperatura maksimale do të arrijë deri në rreth 31 gradë.

Më pas nesër dhe të enjten nën ndikimin e masës ajrore më të freskët nga veriu do të ketë rënie të temperaturave me 5 deri në 6 gradë dhe temperaturat maksimale ditore do të rriten në intervalin prej 19 deri në 27 gradë. Po ashtu nesër do të fryjë erë e fortë nga veriu, ndërsa herë pas here do të ketë reshje të rrëmbyeshme lokale të shiut të shoqëruar me shtrëngata.

Nga dita e premte deri në fundjavë do të ketë një rritje të re të ndjeshme të temperaturave të ajrit, nën ndikimin e një mase ajrore SHUMË E Nxehtë që do të depërtojë nga pjesët veriore të Afrikës drejt vendit tonë.

Video e ditës