Dhjetëra mijëra punëtorë në restorante dhe kafeteri si McDonald's dhe Starbucks në të gjithë Gjermaninë kanë hyrë në grevë.

Sindikatat NGG kanë bërë thirrje për një grevë paralajmëruese në të ashtuquajturën gastronomi të sistemit, e cila përfshin Burger King dhe Pizza Hut ndër të tjera, pasi raundi i dytë i negociatave për marrëveshjen kolektive përfundoi pa rezultate, raporton DPA.

Negociatat e mëtejshme në këtë degë me 120.000 punonjës nuk duhet të zhvillohen deri në nëntor - më vonë se sa ishte planifikuar fillimisht.

NGG kritikoi punëdhënësit se në raundin e dytë “nuk kanë lëvizur asnjë milimetër sipas kërkesave të punonjësve”.

- Prandaj jemi në grevë, tha kryenegociatori i restorantit Mark Baumeister.

Çmimet në Gjermani janë rritur në vitet e fundit, kujton Baumeister, duke shtuar se punonjësit kanë një "nevojë të madhe për të rritur të ardhurat.

"Ata presin lehtësim të vërtetë dhe dukshëm më shumë para - në vend të kësaj, punëdhënësit nuk sollën as një ofertë të re për raundin e dytë të negociatave." Është absolutisht mungesë respekti për punonjësit.

NGG kërkon ndër të tjera një pagë fillestare prej 15 euro në orë për punonjësit më pak të paguar.