Punonjësit në Gjermani shpenzojnë mesatarisht 17 për qind të kohës së tyre të punës duke punuar nga shtëpia, por kjo përqindje ndryshon ndjeshëm në mes të sektorëve, sipas një raporti të publikuar nga Instituti IFO për Kërkime Ekonomike me bazë në Mynih.
Puna nga shtëpia është veçanërisht e përhapur në sektorin e TI-së, ku punëtorët punojnë nga shtëpia mesatarisht 58 për qind të kohës së tyre të punës, ndërsa në ndërtim dhe hoteleri kjo përqindje arrin vetëm në dy për qind.

Vëllimi i punës në shtëpi në Gjermani nuk është aspak në rënie, nuk ka ndryshuar në krahasim me një vit më parë”, komentoi studiuesi i IFO-së, Jean-Victor Alipour.

Puna nga shtëpia është veçanërisht e zakonshme në kompanitë e mëdha ku punonjësit kalojnë mesatarisht 20 për qind të kohës së tyre të punës në shtëpi, dhe në ndërmarrjet e vogla dhe të mesme kjo përqindje është vetëm 15 për qind. Përqindja e punonjësve gjermanë që punojnë nga shtëpia është aktualisht 23,4 për qind.

Rezultatet bazohen në një studim të një kampioni prej rreth 9.000 kompanish në Gjermani, sipas faqes së internetit të IFO.