Gazetarët amerikanë të NBC News filmuan ekipet e shpëtimit në Gaza duke kërkuar nëpër rrënojat e ndërtesave pas një sulmi tjetër ajror izraelit. Fëmijët dhe civilët e plagosur po nxirren nga rrënojat. Deri më tani, Izraeli ka vrarë më shumë se 6.500 njerëz në sulmet hakmarrëse kundër Hamasit, sipas shifrave të Autoritetit Palestinez.

Presidenti i SHBA Joe Biden tha dje se ai nuk beson shifrat e viktimave civile të dhëna nga Ministria e Shëndetësisë në Gazën e kontrolluar nga Hamasi, por tha se ishte e domosdoshme që Izraeli të përqëndrohet në sulmet ndaj udhëheqësve të Hamasit.

“Nuk mendoj se palestinezët po thonë të vërtetën se sa njerëz janë vrarë. “Jam i sigurt se të pafajshëm janë vrarë dhe ky është çmimi i luftës”, tha Biden.

Izraeli duhet të jetë "tepër i kujdesshëm për t'u siguruar që fokusohet te njerëzit që po propagandojnë këtë luftë kundër Izraelit" dhe jo te civilët, tha ai. “Është kundër interesave të tij kur kjo nuk ndodh”. "Por unë nuk besoj numrin që palestinezët po përmendin," tha ai.