Sulm i armatosur ndaj policisë së Kosovës në kufirin me Serbinë

Kosovë / Foto: VALDRIN XHEMAJ / EPA

Policia e Kosovës është sulmuar sot në mesditë me armë zjarri teksa lëshonte një varkë patrulluese në liqenin e Gazivodës (Ujman) në kufi me Serbinë, njoftoi korrespondenti i MIA-s nga Prishtina.

Sipas njoftimit të policisë, ka pasur rreth dhjetë të shtëna me armë zjarri, gjatë të cilave nuk ka të lënduar zyrtarë policorë apo persona të tjerë.

- Të shtënat kanë qenë njëra pas tjetrës, kanë ardhur nga ana tjetër e liqenit dhe plumbat kanë rënë pranë gomones së policisë, thuhet në njoftimin e njësisë së Komisariatit të Vëzhgimit Kufitar.

Menjëherë pas ngjarjes, në vendngjarje ka mbërritur njësiti i ndërhyrjes së shpejtë të policisë kufitare, ndërsa aktualisht po vijon vëzhgimi i terrenit dhe hetimi i rastit.

Policia e Kosovës mbetet e përkushtuar në ofrimin e sigurisë për qytetarët dhe në luftën kundër krimit, veçanërisht në suprimimin e tregtisë ilegale në atë zonë, thuhet në njoftim.

Sulmet ndaj policisë në veri të Kosovës, afër kufirit me Serbinë, janë bërë më të shpeshta muajt e fundit.

Burimi: MIA

Video e ditës