Kancelari gjerman Olaf Scholz ka bllokuar dërgimin e raketave me rreze të gjatë Taurus në Ukrainë, sepse ai ka frikë se kjo do të çojë në një konflikt me Rusinë, raportoi Wall Street Journal, duke cituar burimet e saj.

Anëtarë të tjerë të koalicionit qeverisës të Gjermanisë kanë miratuar dërgimin e raketave Taurus në Ukrainë. Deputetja gjermane Marie-Agnes Strack-Zimmermann shkroi në Twitter më 4 shtator se vetë Scholz e bllokoi këtë vendim brenda koalicionit.

Sipas burimeve të cituara nga Wall Street Journal, Scholz është i shqetësuar se personeli gjerman do të duhet të operojë raketa në terren në Ukrainë, një veprim që ai pretendoi se do të kërkonte një votim në parlament. Për më tepër, siç thonë ata, "Scholz kishte frikë se prania e trupave gjermane në terren në Ukrainë mund të shkaktonte një konflikt të drejtpërdrejtë me Rusinë."

- Është e paqartë pse Scholz pretendon se personeli gjerman do të duhet të vendoset fizikisht në Ukrainë në mënyrë që të përdoren raketat Taurus, shkruan Wall Street Journal.