Waltz: Politika e ardhshme e Shteteve të Bashkuara varet nga Trump, ai do t'i japë fund luftës
Presidenti i sapozgjedhur i SHBA-së, Donald Trump dëshiron të sjellë Rusinë dhe Ukrainën në tryezën e bisedimeve për t'i dhënë fund luftës, i tha Zërit të Amerikës Mike Waltz, i zgjedhuri i Trump për këshilltar për sigurinë kombëtare.
Në një deklaratë për një korrespondent të VoA, kongresmeni nga Florida tha se Trump është i interesuar t'i japë fund luftës sesa ta zgjasë atë. Waltz theksoi se politika e ardhshme e Uashingtonit nuk varet nga ai, por nga vendimet e Trump.
Trump është zotuar se do t'i japë fund luftës së Rusisë kundër Ukrainës "brenda 24 orëve" pasi është rizgjedhur, pa shpjeguar se si planifikon ta bëjë këtë. Raporte të shumta mediatike kanë treguar se ky plan mund të sjellë ngrirjen e luftës, pezullimin e pranimit të Ukrainës në NATO dhe krijimin e një zone të çmilitarizuar në lindje të vendit.
