Zvicra po tërheq sërish nga tregjet miellin e misrit me origjinë nga Serbia – këtë herë është vetëm mielli i verdhë, dhe arsyeja është një sasi dukshëm më e lartë e aflatoksinës sesa lejohet me ligj, njoftoi RASFF, sistemi evropian për alarm të shpejtë dhe informacion mbi ushqimin.

Sipas faqes së internetit të RASFF, sasia e lejuar e aflatoksinës në miell misri është 2 µg/kg – ppb (dy mikrogramë për kilogram). Në një kampion mielli të marrë më 10 korrik të këtij viti, është konstatuar prania e mykotoksinës aflatoksinë B1 në sasi më të madhe se sa lejohet: në miell misri të verdhë – 11,4 μg/kg, që është 5,7 herë më shumë se e lejuar.

Rreziku i përdorimit të këtij produkti është vlerësuar si "potencialisht serioz" dhe produkti është tërhequr nga tregu.