Rreth 4,5 milionë qytetarë në Sllovaki kanë të drejtë të votojnë sot në referendumin për ndryshimet kushtetuese që duhet të mundësojnë zgjedhje të parakohshme. Deri më tani, Kushtetuta sllovake parashikonte që Parlamenti, i cili zgjidhet për një mandat katërvjeçar, nuk mund të shpërndahej para kohe edhe nëse qeveria binte dhe nuk mund të formohej shumica për një koalicion të ri.

Opozita e majtë detyroi referendumin pasi rreth 400.000 votues nënshkruan një peticion për ndryshim.

Bratislava aktualisht drejtohet nga një koalicion trepalësh konservator populist që nuk ka më një shumicë parlamentare. Në rast të zgjedhjeve të reja, sipas të gjitha sondazheve, rrezikohet shpërbërja e plotë. Për këtë arsye partitë në pushtet u përpoqën të pengojnë mbajtjen e referendumit deri në fund.

Referendumi është i vlefshëm vetëm nëse dalin të paktën 50 për qind e votuesve me të drejtë vote, por një pjesëmarrje e tillë nuk është arritur kurrë – përveç referendumit për anëtarësim në BE 20 vjet më parë. Data e ardhshme për zgjedhjet e rregullta do të jetë në vitin 2024.