Një mësuese 27-vjeçare në kopshtin e fëmijëve në Lyon të Francës, vrau një foshnjë 11-muajshe me një pastrues kullimi, sepse, siç tha ajo, nuk mund të duronte më të qarat e foshnjës.

Shërbimet e urgjencës që mbërritën në vendngjarje thanë se vajza u gjet e pajetë në një kopsht fëmijësh në Lyon dhe u dërgua menjëherë në spital. Pavarësisht tentativave për reanimim, fëmija ka ndërruar jetë, raporton Revista Phoenix.

Hetuesit fillimisht dyshuan për një aksident, por shpejt u bë e qartë se edukatorja kishte vrarë foshnjën.

Edukatorja ka vepruar në furi, shkruan gazeta Le Progres.

Ajo ka treguar të vërtetën para hetuesve. Ajo i dha fëmijës një pije për të pastruar kanalet e kanalizimeve. Vajza qante vazhdimisht dhe edukatorja 27-vjeçare u shpreh se “nuk mund të duronte më”.

Sipas Le Progress, lëngu që i dha vajzës është DesTop, një mjet i fuqishëm për të zhbllokuar kanalet.

Avokatja e edukatores tha për televizionin lokal BFMTV se nuk sheh asnjë qëllim në veprimet e saj për të vrarë foshnjën. Edukatorja pretendon se gabimisht i ka dhënë foshnjës lëng helmues dhe se vetëm “ka dashur ta qetësojë”.

Hetimi është duke vazhduar.